Pa e sektor

Deskubrí e dokumentonan, guianan i rekesitonan di reportahe ku ta nesesario pa kumpli ku e eksigensianan di e Sistema di Garantia di Depósito Kòrsou.

DGS Kòrsou ta para garantia pa sèn ku un persona tin depositá na instituto di krédito, te na un máksimo di Cg 50.000 pa kada banko òf fondo di spar i Cg 25.000 pa kada kooperativa di krédito. Konforme e legislashon aplikabel, Centrale Bank van Curaçao en Sint Maarten (CBCS), huntu ku Stichting Depositogarantiefonds (DGF), ta enkargá ku implementashon di DGS. DGF ta un entidat hurídiko apart ku ta manehá e fondonan i hasi nan disponibel ora ta nesesario. E fondonan ta konsistí di kontribushon di e diferente banko- i kooperativanan di krédito. Ademas di ta kontribuí na DGF, e institutonan di krédito ta suministrá e datonan ku CBCS tin mester pa por atministrá e sistema DGS i nan tin e responsabilidat di duna nan klientenan informashon tokante DGS i tokante kon e sistema ta funshoná.

Si mester aktivá DGS debí ku un di e institutonan di krédito kubrí no por kumpli ku su obligashonnan òf a bai fayit, DGS lo pèrkurá pa e depositantenan ku ta kai bou di e kobertura haña nan plaka bèk, te na e máksimo fihá den lei pa kada persona i pa kada instituto di krédito.

Informashon pa institushonnan finansiero