Informashon pa institushonnan finansiero
Fail di Single Customer View
Introdukshon
E fail di Single Customer View (SCV) ta un parti esensial den e proseso di Sistema di Garantia di Depósito (DGS) pa Kòrsou. P’esei, un instituto finansiero mester tin informashon korekto i aktualisá na tur momento tokante su klientenan (depositantenan) i e depósitonan garantisá. Asina, si bira nesesario pa aktivá e sistema DGS, e pagonan lo por sosodé denter di e plaso stipulá. E fail di SCV ta e fuente prinsipal di informashon usá den e sistema DGS pa duna e depositantenan nan plaka bèk. Kuminsando 31 di desember 2026, e institutonan di krédito mester manda nan fail di SCV pa Centrale Bank van Curaçao en Sint Maarten (CBCS) denter di sinku dia di trabou ora CBCS pidi esei. E manual di SCV ta kontené instrukshon detayá tokante kon e fail mester ta strukturá, ki dato e mester kontené presis i den ki formato mester entreg’é.
E instrukshon- i eksigensianan ku e institutonan mester kumpli kuné ta den e siguiente dokumentonan:
i. legislashon di DGS, ku ta konsistí di e dekreto nashonal i e areglo ministerial tokante DGS.
ii. Manual di SCV.
iii. SCV Assessment Framework.
SCV Assessment Framework
CBCS ta supervisá kumplimentu ku e stipulashonnan di SCV bou di e sistema DGS Kòrsou. Pa evaluá kumplimentu ku e stipulashonnan relashoná ku SCV, CBCS a adoptá un kuadro di evaluashon: SCV Assessment Framework.
SCV Assessment Framework ta konsistí di e siguiente elementonan:
i. E aserkamentu strukturá ku CBCS ta usa pa evaluá si e institutonan di krédito ta kumpliendo ku e stipulashonnan pa SCV bou di e sistema DGS Kòrsou.
ii. Vários indikadó ku ta mustra te kon leu kada instituto di krédito ta kumpliendo ku e stipulashonnan pa SCV.
E institutonan di krédito por download e dokumentonan en kuestion aki: