Sistema di garantia di depósito Kòrsou

Watch Video See Brochure

Kiko e sistema di garantia di depósito ta enserá?

E Sistema di Garantia di Depósito (na hulandes, ‘depositogarantiestelsel’ òf DGS) ta protehá sèn ku bo tin riba kuenta di banko, fondo di spar i koperativa di krédito ku tin pèrmit di CBCS pa operá na Kòrsou. Si bo instituto finansiero na Kòrsou bai fayit, bo ta risibí bo sèn bèk te na un máksimo di Cg 50.000 pa kada banko òf fondo di spar òf Cg 25.000 pa kada koperativa di krédito. E máksimo ta mará na bo persona i na kada instituto kaminda bo tin sèn, no na kada kuenta apart ku bo tin.

Lesa Mas

Dikon un sistema di garantia di depósito ta importante?

E protekshon ku DGS Kòrsou ta ofresé ta un garantia ku si bo banko, fondo di spar òf koperativa di krédito bai fayit, lo bo risibí bo sèn bèk te na e suma máksimo garantisá. Esaki ta yuda generá konfiansa, pasobra bo por tin sigur di e sèn ku bo tin riba kuenta di banko. E protekshon akí ta oumentá stabilidat di sektor finansiero na Kòrsou i ta yuda tene e sektor stabil den tempu insigur.

Siña kon bo sèn ta wardá protehá pa medio di e DGS Kòrsou.

E DGS Kòrsou ta sigurá ku bo sèn ta protehá te na e kantidat garantisá. Bo ke sa kon esaki ta funshoná i kon e protekshon aki ta apliká pa bo? Wak e video kòrtiku pa sa mas tokante e DGS Kòrsou.

Lesa mas tokante DGS

DGS Kòrsou ta mará na sierto kondishon. Na Tokante DGS, bo por lesa si e protekshon ta konta pa bo i si bo banko, fondo di spar òf koperativa di krédito ta kai bou di DGS Kòrsou.

Lesa Mas

Lesa e FAQ (Preguntanan Frekuente)

Si bo tin mas pregunta, bai na nos página di Pregunta Frekuente.

Lesa Mas

Lesa Legislashon

DGS Kòrsou a drenta na vigor dia 1 di yüli 2025, ora Landsbesluit depositogarantiestelsel a keda implementá na Kòrsou.

Lesa Mas

Pregunta Frekuente

E sistema di garantia di depósito ta kubri te ku Cg 50.000 pa persona, na kada banko òf fondo di spar i te ku Cg 25.000 pa persona, na kada koperativa di krédito. Interes ku bo akumulá riba bo kuenta te na e fecha ku a determiná ku e banko, fondo di spar òf koperativa di krédito ta fayit, tambe ta inkluí den e montante ei. E suma máksimo ta pa e sèn ku bo tin riba tur bo kuentanan huntu na e mesun instituto; riba e kuentanan komun (joint account) tambe.

E sistema di garantia di depósito ta konta pa tur tipo di doño di kuenta, tantu residente komo no residente. Por ehèmpel:


– tantu adulto komo menor di edat
– tantu individuo komo negoshi
– fundashon i demas organisashon sin meta komersial tambe


Kuenta di instituto finansiero no ta kai bou di protekshon di DGS Kòrsou.

Banko, fondo di spar i koperativa di krédito ku tin un pèrmit di CBCS pa hasi negoshi na Kòrsou ta kai bou di protekshon di DGS. o por chèk riba e página Kua ta e bankonan, fondonan di spar i koperativanan di krédito?

Si bo ta duda, puntra bo banko, fondo di spar òf koperativa di krédito si bo sèn ta garantisá pa medio di DGS Kòrsou.

Lesa Tur FAQ

Informashon di kontakto

Kontakto

Si bo tin mas pregunta òf tin mester di mas informashon tokante e protekshon ku DGS Kòrsou ta brinda, tuma kontakto libremente ku CBCS su Bali di Informashon. Yama nos na +599 (9) 434-5500 riba dia di trabou, di 9.00 pa 17.00 òf e-mail nos na [email protected]. Bo por komuniká ku nos na papiamentu, hulandes i ingles.