Introdukshon
Bo sèn ta garantisá outomátikamente bou di e sistema DGS Kòrsou. Kada persona su sèn ta kubrí te na un máksimo di Cg 50.000 na kada banko òf fondo di spar kaminda e tin sèn depositá, òf te na Cg 25.000 ku e tin na kada koperativa di krédito. Si bo tin mas ku un kuenta na e mesun instituto, e suma máksimo garantisá ta konta pa e total di tur e kuentanan ei huntu, inkluso kuenta komun (joint account).
Si bo banko, fondo di spar òf koperativa di krédito bai fayit, Centrale Bank van Curaçao en Sint Maarten (CBCS) ta garantisá ku, denter di 20 dia di trabou, lo bo risibí bo sèn bèk te na e máksimo sigurá. Den kuadro di DGS Kòrsou, ta formando un fondo di garantia di depósito (depositogarantiefonds òf DGF). Tur aña, kada instituto ku ta kai bou di e sistema di garantia mester kontribuí na e fondo, te ora e yega e suma nesesario pa e sèn di públiko por ta bon protehá.
Bo sèn ta protehá?
Bo sèn ta protehá bou di e sistema DGS Kòrsou den kaso ku:
- Abo ta aparesé registrá formalmente komo e doño di kuenta. Esaki ta konta pa tur tipo di doño di kuenta, tantu residente komo no residente. Por ehèmpel:
- tantu adulto komo menor di edat
- tantu individuo komo negoshi
- fundashon i demas organisashon sin meta komersial tambe
Ku eksepshon di instituto finansiero, pasobra nan kuentanan sí no ta kai bou di e protekshon ku DGS Kòrsou ta brinda.
- Bo tin un kuenta koriente, kuenta di spar, depósito na plaso fiho òf un tarheta di krédito ku un saldo positivo. Bo kuenta por ta un kuenta komun (joint account) tambe.
- Bo banko, fondo di spar òf koperativa di krédito ta kai bou di e protekshon ku DGS Kòrsou ta brinda. Bo por chèk esaki den e sekshon Kua ta e bankonan, fondonan di spar i koperativanan di krédito?
Kua ta e bankonan, fondonan di spar i koperativanan di krédito?
Banko:
- APC Bank N.V. (inkluso èks PSB Bank N.V. i Centrale Hypotheek Bank N.V.)
- Banco Di Caribe N.V.
- Maduro & Curiel’s Bank N.V.
- Orco Bank N.V.
- Vidanova Bank N.V.
- RBC Royal Bank N.V.
Fondo di spar:
- Stichting Personeelsvoorzieningsfonds Autobusbedrijf Curaçao
- Stichting Spaar- en Kredietfonds OPAL
Koperativa di krédito:
- Algemeen Spaar- en Krediet coöperatie ACU
- Coöperatieve Spaar- en Kredietvereniging San Pedro
- Coöperatieve Spaar- en Kredietvereniging Utiliteitsbedrijven (Utility Credit Union)
- Kooperativa KEP
- Koperativa Spar i Kredito Aviashon (K.S.K.A.)
Lesa e Factsheet
Den e Factsheet, lo bo haña un bista di loke DGS Kòrsou ta enserá, inkluso un kalkulashon komo ehèmpel.
Lesa e foyeto
Den e foyeto, lo bo haña informashon mas detayá tokante DGS Kòrsou, inkluso algun eksepshon spesífiko
Lesa e FAQ (Preguntanan Frekuente)
Si bo tin mas pregunta, bai na nos página di Pregunta Frekuente.